Samkvæmt Alþjóðaslagsamtökunum (World Stroke Organisation) má koma í veg fyrir allt að 90% heilaslaga með því að takast á við fáa áhættuþætti.
Ef þú hugar að á þeim þáttum sem skemma slagæðar þínar, eða nærð stjórn á þeim í samráði við lækni, getur þú minnkað líkurnar á heilaslagi verulega.
Kólesteról
Kólesteról er vaxkennt efni sem er í eðli sínu ekki „slæmt“. Líkaminn okkar kólesteról til þess að byggja frumur en of mikið kólesteról getur samt skapað vandamál.
Þegar slagæðar þínar eru skemmdar vegna til dæmis hás blóðþrýstings, hás blóðsykurs eða reykinga reynir líkaminn að lækna þær með kólesteróli. Ef það gerist of oft, eða ef þú ert með of mikið af kólesteróli, getur það myndað þykka, harða skán innan á slagæðunum. Skánin getur þrengt slagæðarnar og þær verða ekki eins sveigjanlegar. Hluti af skáninni getur svo brotnað frá æðinni og stíflað slagæð í heilanum eða ef vandamálið sem olli skemmdum á slagæðinni er viðvarandi, þá gæti það þrengt slagæðina svo mikið að blóðið getur ekki streymt um hana.
