Vissir þú
Að á 30 mínútna fresti deyr einhver eða hlýtur varanlega örorku vegna heilaslags SEM HEFÐI VERIÐ HÆGT AÐ KOMA Í VEG FYRIR?
Viðkomandi áttaði sig ekki á að hann/hún/hán væri að fá slag
Viðkomandi beið of lengi með að leita eftir hjálp
Viðkomandi fór á rangt sjúkrahús
Nýleg rannsókn sýnir að allt að 80% heilaslagssjúklinga þekktu ekki einkenni heilaslags og töldu einkennin ekki nógu alvarleg til að bregðast strax við.
Ólíkt hjartaáfalli er blóðþurrðarslag (blóðtappi) almennt séð ekki sársaukafullt. Eina leiðin til að vita hvort einhver sé að fá heilaslag er því sú að þekkja algengustu einkenni heilaslags og ef þau gera vart við sig skal hringja strax á sjúkrabíl. Einkennin geta verið þau að andlitið sígi skyndilega öðru megin, annar handleggur verði skyndilega máttlaus, tal verði skyndilega óskýrt eða að erfitt verði að mynda orð og /eða setningar.
Einkenni sem koma fram yfir lengri tíma orsakast yfirleitt ekki af heilaslagi. Ef einkennin koma skyndileg fram er það því sterk vísbending um hugsanlegt heilaslag. Mundu að í flestum tilvikum stíflast slagæðin skyndilega og heilafrumudauði hefst fljótt. Því gera einkennin yfirleitt skyndilega vart við sig.
