Samkvæmt Alþjóðaslagsamtökunum (World Stroke Organisation) má koma í veg fyrir allt að 90% heilaslaga með því að takast á við fáa áhættuþætti.
Ef þú hugar að á þeim þáttum sem skemma slagæðar þínar, eða nærð stjórn á þeim í samráði við lækni, getur þú minnkað líkurnar á heilaslagi verulega.
Líkamsþyngd
Ofþyngd getur þýtt að of mikið magn sykurs og/eða kólesteróls sé í blóðinu.
Þegar 
þú borðar eitthvað sem inniheldur mikið magn af hvítum sykri hækkar sykurmagn í blóðinu hratt. Við þetta virkjast svokallaður viðtaki í líkamanum, hann flytur sykurinn úr blóðinu í frumurnar þar sem sykurinn verður að orku. Ef þetta gerist of oft vegna óheilsusamlegs lífsstíls og matarvenja þá getur viðtakinn farið að bila og þá flytur hann minna af sykri í frumurnar og meira verður eftir í blóðinu.
Það má líkja þessu við að leika sér með ljósrofa. Ef það er alltaf verið að kveikja og slökkva rofanum í lengri tíma þá gæti hann hætt að virka. Þegar ,,rofinn" í líkamanum bilar kallast það sykursýki 2. Það er ekki gott fyrir okkur ef ,,rofinn" bilar vegna þess að of mikill sykur í blóðinu skemmir að lokum bæði slagæðarnar og önnur líffæri og getur þannig leitt til veikra slagæða og á endanum hjartasjúkdóma og heilaslags.
