Bráðameðferð heilaslagssjúklinga og bráðameðferð eftir heilaslag er flókið verkefni sem yfrleitt er aðeins hægt að sinna á sjúkrahúsum sem eru „Stroke Ready“ Það eru sjúkrahús sem hafa aðstöðu og þekkingu til að veita slíka meðferð.

Á þessum sjúkrahúsum er sértækur búnaður til taks og unnið er eftir ákveðnu verklagi. Þessi sjúkrahús vinna einnig eftir sérstökum ferlum til að tryggja að fólk sem hefur fengið heilaslag fái rétta meðhöndlun eins fljótt og hægt er. 

Niðurstöður könnunar sem framkvæmd var í ákveðnu landi í Evrópu sýndu að af þeim 134 sjúkrahúsum sem tóku við heilaslagssjúklingum á árstímabili voru einungis 34 til þess fallin að veita sjúklingunum viðeigandi og rétta meðferð. Sjúklingar sem lentu á sjúkrahúsi sem var í hópi þeirra 100 sem ekki voru ,,Stroke Ready" og hlutu þar af leiðandi ekki rétta meðhöndlun strax, áttu bæði minni líkur á því að hljóta ekki varanlega örorku í kjölfarið og að lifa heilaslagið af.

Rétt eins og enginn myndi fara með barnshafandi konu í hríðum á hjartadeild eða til augnlæknis ætti ekki heldur að fara með fólk sem fengið hefur fengið heilaslag á sjúkrahús sem ekki er í stakk búið að veita þeim viðeigandi meðferð. Við getum ekki gert ráð fyrir eða ætlast til að almenningur viti hvaða sjúkrahús eru „Stroke Ready“ og hvaða sjúkrahús eru það ekki, þess vegna fær sjúkraflutningafólk, sem vinnur í sjúkrabílum, um allan heim þjálfun í að þekkja slíkt.

Þegar einhver fær slag er því best að hringja strax í sjúkrabíl en ekki keyra á næsta sjúkrahús eða hringja í vin eftir aðstoð. Fólkið sem sinnir sjúkraflutningum veit á hvaða sjúkrahús er best að fara til að fá skjóta, örugga og viðeigandi meðferð. Aðilar þar vita hvaða sjúkrahús getur veitt sjúklingnum bestu möguleika á að fá skjóta, viðeigandi meðferð.