Blóðstorknun

Margar ástæður geta verið fyrir því að líkur á því að mynda blóðtappa aukist, til dæmis á þar nefna erfðir, hormónaójafnvægi og skemmdir á æðum sem virkja storknunarkerfi.

Helsta ástæða þess að sjúklingar sem hafa fengið slag þróa með sér blóðtappa er, hvort sem þú trúir því eður ei, í raun tengd hjartavandamálum.

Blóð sem rennur ekki heldur er þvingað til að vera kyrrt hefur mikla tilhneigingu til að storkna. Líffærið sem ber aðalábyrgð á blóðstreyminu er hjartað, og ef hjartað virkar eðlilega, eins og hjartað vinstra megin á myndinni, þá streyma rafboðin á stöðugan hátt. Þetta þýðir að hjartað geti dælt í réttum takti og sent allt blóðið sem það fær aftur út í líkamann. Sjúkdómur sem kallast gáttatif getur valdið því að hjartað sendi óregluleg rafboð um hjartað, þá dælir hjartað ekki í réttum takti (taktfast) eins og hjartað hægra megin á myndinni.

Stærsta vandamálið við þessar aðstæður er að þær geta orðið til þess að hjartað tæmi ekki alltaf allt blóð úr hjartanu með hverju slagi. Það veldur því að blóð sitji kyrrt eftir og safnist fyrir í hjartanu.

Það er ekki gott að blóð safnist fyrir í hjartanu, það getur auðveldlega orðið til þess að blóðtappi myndist og næst þegar hjartað slær gæti tappinn farið upp í heilann og valdið heilaslagi.

Sjúklingar með gáttatif þurfa að taka blóðþynningarlyf stöðugt til að koma í veg fyrir að blóðtappar myndist.