Bráðameðferð sjúklinga með slag og bráðameðferð eftir slag er flókið verkefni sem venjulega er aðeins hægt að sinna á svokölluðum „sjúkrahúsum með viðeigandi meðferð við slagi“.

Á þessum sjúkrahúsum er sértækur búnaður og verklag fyrir hendi og þau búa yfir vel æfðum ferlum til að tryggja að sjúklingar sem hafa fengið slag fái meðhöndlun eins hratt og örugglega og mögulegt er. 

Könnun í einu Evrópulandi sýndi að 134 sjúkrahús lögðu inn sjúklinga sem höfðu fengið slag á tilteknu ári en að aðeins 34 af þessum sjúkrahúsum veitti sjúklingunum meðhöndlun í samræmi við ráðlögð viðmið. Sjúklingur sem endaði á einu af sjúkrahúsunum 100 sem lögðu inn sjúklinga en meðhöndluðu þá ekki rétt hefði haft mun minni líkur á að lifa slagið af án breyttra lífsgæða.

Rétt eins og enginn myndi fara með barnshafandi konu sem hefur hafið hríðir á augnsjúkrahús þá ætti heldur ekki að leggja sjúklinga sem hafa fengið slag inn á sjúkrahús sem geta ekki annast þá. Við getum ekki gert ráð fyrir að almenningur viti hvaða sjúkrahús „meðhöndla slag“ og hvaða sjúkrahús gera það ekki. Það er ekki mögulegt. Þess vegna erum við að þjálfa starfsmenn sjúkrabíla í að þekkja slíkt.

Því er best, þegar einhver fær slag, að aka ekki á næsta spítala eða hringja í vin heldur hringja tafarlaust á sjúkrabíl. Aðilar þar vita hvaða sjúkrahús getur veitt sjúklingnum bestu möguleika á að fá skjóta, viðeigandi meðferð.